ភ្នំពេញ៖ ជនសង្ស័យម្នាក់ បានធ្វើសកម្មភាពឆក់ទូរស័ព្ទពីបុរសម្នាក់ តែមិនបានសម្រេចត្រូវបងប្អូនប្រជាពលរដ្ឋចាប់បានព្រួតគ្នាវាយមួយដៃមួយជើងបណ្ដាលឲ្យរងរបួស ដែលទីតាំងកើតហេតុស្ថិតនៅតាមបណ្ដោយផ្លូវ ១០៨ ស្ថិតនៅក្នុងសង្កាត់វត្តភ្នំខ័ណ្ឌដូនពេញរាជធានីភ្នំពេញ នាវេលាម៉ោង ១២និង ១០នាទីឈានចូលថ្ងៃទី ២០ ខែមិថុនា ឆ្នាំ២០១៩ ។
យោងតាមសម្ដីបងប្អូនប្រជាពលរដ្ឋដែលនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញបុរសម្នាក់ដើរតាមបណ្ដោយផ្លូវ ១០៨ បានធ្វើសកម្មភាពឆក់ទូរស័ព្ទពីបុរសម្នាក់ដែលទូរសព្ទនោះគឺម៉ាក Oppo ពណ៌ខ្មៅមិនបានសម្រេចត្រូវបងប្អូនប្រជាពលរដ្ឋចាប់បានព្រួតគ្នាវ៉ៃម្នាក់មួយដៃមួយជើងរួចបញ្ជូនយកទៅប៉ុស្តិ៍វត្តភ្នំភ្លាមៗដើម្បីសាកសួរបន្ត ។
ក្រោយពេលកើតហេតុ ជនសង្ស័យខាងលើ ត្រូវបានសមត្ថកិច្ចមូលដ្ឋាននាំយកទៅសាកសួរនាំនៅប៉ុស្តិ៍នគរបាលរដ្ឋបាលវត្តភ្នំ ដើម្បីកសាងសំណុំរឿងបញ្ជូនទៅអធិការដ្ឋាននគរបាល ខណ្ឌដូនពេញ រង់ចាំធ្វើការចាត់ការទៅតាមនីតិវិធីវិញច្បាប់ជាបន្តទៀត៕
.jpeg?1560998538)
.jpeg?1560998538)
.jpeg?1560998538)
