សពនារីរងគ្រោះមានឈ្មោះ ស្រី នីត ភេទស្រី អាយុ២៤ឆ្នាំ មុខរបអ៊ុតសក់ នៅផ្សារសំណង់១២ ស្នាក់នៅភូមិបឹងឈូក សង្កាត់ទឹកថ្លា ខណ្ឌសែនសុខ មានស្រុកកំណើត ខេត្តព្រៃវែង។
យោងតាមការរៀបរាប់ពីម្ដាយនារីរងគ្រោះបានឲ្យដឹងថា ប៉ុន្មានថ្ងៃក្រោយនេះកូនរបស់គាត់ខុសប្លែកពីធម្មតា ចេះតែស្ដីថាឲ្យគាត់ ធ្វើឲ្យគាត់មានអារម្មណ៍សង្ស័យថា កូនរបស់គាត់មានវិប្បត្តិអីមួយហើយមើលទៅ ទោះបីជាគាត់លួងលោមសួរកូនស្រី មានរឿងអីប្រាប់ម្ដាយមក តែកូនគាត់មិននិយាយអ្វីទាំងអស់ តែគាត់មើលទៅដូចមានអ្វីលាក់បាំង លុះដល់នៅយប់កើតហេតុខាងលើ មានគេមកប្រាប់ថា កូនរបស់ខ្ញុំបានលោតទឹកសម្លាប់ខ្លួនពីលើស្ពានជ្រោយចង្វារ ភ្លាមៗរូបគាត់ក៏បានមកដល់កន្លែងកើតហេតុ ហើយបានជួលបងប្អូនខ្មែរឥស្លាម ដើម្បីរាវកូនស្រីជាទីស្រទ្បាញ់របស់គាត់។ ដោយម៉ោង១១ និង១០នាទីយប់ថ្ងៃដដែល ទើបរាវរកកូនរបស់គាត់ឃើញ ហើយបានស្រង់មកដាក់លើគោក។
បច្ចុប្បន្នសពនារីរងគ្រោះខាងលើ ត្រូវម្ដាយនិងបងប្អូនឯភាពយកទៅតម្កល់ទុកនៅទួលអស់លោក ដើម្បីរៀបចំធ្វើបុណ្យតាមប្រពៃណី៕
