ភ្នំពេញ ៖ នៅថ្ងៃទី០៥ ខែមិថុនា ឆ្នាំ២០១៩ វេលាម៉ោង ១១និង៣ ០ នាទី កម្លាំងផ្នែកជំនាញបានសហការជាមួយកម្លាំងផ្នែកសណ្ដាប់ ធ្នាប់ចរាចរណ៍ បានធ្វើការឃាត់ខ្លួនជនសង្ស័យចំនួនម្នាក់ ពីបទជួ ញដូរដោយខុសច្បាប់នូវសារធាតុញៀន នៅត្រង់ចំណុចផ្លូវមហាវិថីឈ្នះ ឈ្នះ ភូមិផ្សារលិច សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ។
ប្រភពពីសមត្ថកិច្ចបានអោយដឹងថាជនសង្ស័យដែលត្រូវឃាត់ខ្លួនឈ្មោះ រឿន រ៉ុន ភេទប្រុស អាយុ២០ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅ ផ្ទះគ្មានលេខ ផ្លូវលំ ភូមិថ្មី ឃ៉ំចាន់សែន ស្រុកឧដុង្គ ខេត្តកំពង់ស្ពឺ (ឃាត់ខ្លួន)
សម្ភារៈដកហូតរួមមាន១.គ្រឿងញៀនប្រភេទក្រាមសថ្លាចំនួន០៥ កញ្ចប់ថង់ ថង់ធំចំនួន០១កញ្ចប់ ថង់ធំល្មមចំនួន០១កញ្ចប់ និងថង់តូចចំនួន០៣កញ្ចប់ ។
២.ម៉ូតូម៉ាកហុងដា C125 ពណ៌ខ្មៅ ពាក់ស្លាកលេខកំពង់ស្ពឺ1G -5134 ចំនួន០១គ្រឿង
៣.ទូរសព្ទ៏ដៃចំនួន០១គ្រឿង
៤.ឧបករណ៍សម្រាប់ប្រើប្រាស់មួយចំនួន ។
សមត្ថកិច្ចបានបន្ដថា នៅមុនពេលកើតហេតុ កម្លាំងផ្នែកជំនាញ បានសហការជាមួយផ្នែកសណ្ដាប់ធ្នាប់ចរាចរណ៍ បានដាក់គោល ដៅរឹតបន្តឹងច្បាប់ចរាចរណ៍ និង គ្រឿងញៀននៅចំណុចកើតហេតុខាងលើ ភ្លាមនោះកម្លាំងក៍ប្រទះឃើញជនសង្ស័យខាងលើ ជិះម៉ូតូមួយគ្រឿងក្នុងទិសដៅពីកើតទៅលិចដោយមានការសង្ស័យកម្លាំងយើងក៍បានឃាត់អោយឈប់ដើម្បីត្រួតពិនិត្យ ឆែកឆេរ រួចក៍ប្រទះឃើញគ្រឿងញៀនប្រភេទក្រាមសថ្លាចំនួន០៥កញ្ចប់ថង់ ដែលជនសង្ស័យឈ្មោះ រឿន រ៉ុន បានលាក់ទុកក្នុងហោប៉ៅខោមុខខាងស្ដាំ ភ្លាមនោះកម្លាំងយើងក៍បានឃាត់ខ្លួនជនសង្ស័យខាងលើ រួមនឹងវត្ថុតាងនាំយកមកអធិការដ្ឋាននគរបាលខណ្ឌព្រែកព្នៅតែម្ដង។
បច្ចុប្បន្នជនសង្ស័យខាងលើឃាត់ខ្លួននៅអធិការដ្ឋានខណ្ឌ ដើម្បីធ្វើការសាកសួរ និងកសាងសំណុំរឿងបញ្ជូនទៅតុលាការ៕
