ភំ្នពេញ៖ បុរសម្នាក់ត្រូវបានបញ្ជូនទៅមន្ទីរពេទ្យភ្លាមៗ ខណៈដែលជិះម៉ូតូម៉ាក Click ១គ្រឿង ឡើងស្ពានអាកាសស្ទឹងមានជ័យ ក្នុងល្បឿនលឿន ជ្រុលចង្កូតទៅបុករថយន្តម៉ាកហាយឡែនឌ័រ ១គ្រឿង ពីក្រោយ ពេញទំហឹង បណ្ដាលឲ្យរងរបួសធ្ងន់ធ្ងរ ដែលស្ថិតនៅក្នុងសង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញនាវេលាម៉ោង២៣និង ៥០នាទីយប់ថ្ងៃទី ០៣ ខែមិថុនា ឆ្នាំ ២០១៩ នេះ ។
យោងតាមប្រភពព័ត៍មានពីកន្លែងកើតហេតុបានអោយដឹងថា ៖ មុនពេលកេីតហេតុ គេបានឃើញ បុរសម្នាក់ ជិះម៉ូតូម៉ាក Click ១គ្រឿង ពណ៍ស ពាក់ស្លាក់លេខសៀមរាម 1P-5250 ឡើងស្ពានអាកាសស្ទឹងមានជ័យ ក្នុងទិសដៅពីជើងទៅត្បូង ក្នុងល្បឿនលឿន ខណ:ឡេីងបានបន្តិច ក៏ជ្រុលចង្កូតទៅបុករថយន្តម៉ាកហាយឡែនឌ័រ ១គ្រឿង ពណ៍ស្ករ ពាក់ស្លាក់លេខ ភំ្នពេញ 2AS-9230 ពីក្រោយ ពេញទំហឹង បណ្តាលអោយរថយន្តរងការខូចខាតកញ្ចក់ផ្នែកខាងក្រោយ យ៉ាងដំណំ រីឯជនរងគ្រោះត្រូវបានរថយន្តសាមុយដឹកយកទៅសង្គ្រោះបន្ទាន់ភ្លាមៗតែម្តង ៕
