ការឃាត់ខ្លួននេះធ្វើឡើងកាលពីវេលាម៉ោង១យប់ឈានចូលថ្ងៃទី៣១ ខែឧសភា ឆ្នាំ២០១៩ នៅតាមបណ្តោយផ្លូវ៥៩៨ ក្នុងសង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ។
សមត្ថកិច្ចបានឲ្យដឹងថា ជនសង្ស័យទី១ឈ្មោះ ហេង វុត្ថា ភេទប្រុស អាយុ២០ឆ្នាំ ជាសន្តិសុខយាមផ្ទះសំណាក់មួយកន្លែង , ទី២មានឈ្មោះ ឡុង ឡៃយ ភេទប្រុស អាយុ២១ឆ្នាំ និងជនសង្ស័យទី៣ឈ្មោះ រ៉េត ថារ៉ា ភេទប្រុស អាយុ២៣ឆ្នាំ ត្រូវបានសមត្ថកិច្ចកំពុងជិះល្បាតក្រោមស្ពានអាកាស៧មករាប្រទះឃើញ ជិះម៉ូតូមួយគ្រឿងម៉ាកហុងដាឌ្រីម ស៊េរី០១៣ ពណ៌ខ្មៅ ពាក់ស្លាកលេខ ភ្នំពេញ1BP-2124 ពីត្បូងទៅជើង ដោយមានការសង្ស័យសមត្ថកិច្ចបានហៅជនសង្ស័យទាំង៣នាក់ខាងលើ ឲ្យឈប់ដើម្បីធ្វើការឆែកឆេរត្រួតពិនិត្យ ធ្វើឲ្យជនសង្ស័យភ័យជិះម៉ូតូរត់គេចខ្លួនទៅមុខ តែក៏ត្រូវបានសមត្ថកិច្ច ដេញស្ទាក់បាន និងឆែកឆេររកឃើញមានដាវកែច្នៃចំនួន៣ដើម ដែលដាក់នៅលើកែបម៉ូតូ រួចអង្គុយពីលើ។
បច្ចុប្បន្នជនសង្ស័យខាងលើ រួមទាំងវត្ថុតាង ត្រូវបានសមត្ថកិច្ចកសាងសំណុំរឿងបញ្ជូនខ្លួនទៅកាន់ តុលាការចាត់ការតាមច្បាប់បន្តទៀត៕
