ប្រភពព័ត៍មានបានអោយដឹងថា៖ បន្ទាប់ពីពិនិត្យឃើញលុយដ៏ច្រើនខុស ច្បាប់លក្ខន្តិកៈឆ្លងកាត់ព្រលានយន្តហោះបែបនេះមន្ត្រីប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិភ្នំពេញ បានផ្អាកដំណើរជនជាតិចិនម្នាក់ឈ្មោះ LIAO JINGQING កើតថ្ងៃទី16/11/1971 កាន់លិខិត ឆ្លងដែនលេខ EG0115690 ពាក់ព័ន្ធករណីនាំប្រាក់ចំនួន ៨៥៥,០០០ដុល្លាអាមេរិក ពីទីក្រុងហុងកុង ចូលមកប្រទេសកម្ពុជា។ ប្រភពបន្តទៀតថាៈ តាមការសាកសួរបឋម ជនសង្ស័យបានសារភាពថាបានចូលមកកម្ពុជាចំនួន ០២លើក លើកទី១កាលពីថ្ងៃទី២៦ ខែ ឧសភា ឆ្នាំ២០១៩ និងលើកទី០២ ថ្ងៃទី២៩ ខែ ឧសភា ឆ្នាំ២០១៩
ជនសង្ស័យបានអះអាងថា៖ គោលបំណងដែរនាំប្រាក់មកកម្ពុជា គឺដើម្បីវិនិយោគលើផ្នែកដេគ័រ ជាមួយប្អូនជីដូនមួយឈ្មោះ LIAO YUPENG ប៉ុន្តែមិនស្គាល់ឈ្មោះក្រុមហ៊ុន) ។ ប្រាក់ខាងលើបានបើក ពីធនាគារឈ្មោះឡុង យៀក ក្នុងទីក្រុងហុងកុងនាំយកមកកម្ពុជា។
វត្ថុតាងរួមមាន ៖
+លិខិតឆ្លងដែនចិនចំនួន១ក្បាល
+ប្រាក់ចំនួន៨៥៥,០០០ដុល្លា (៧២ដុំ)
+ទូរស័ព្ទដៃម៉ាក OPPO ចំនួន០១គ្រឿង
+កាបូបធំចំនួន០២។
បច្ចុប្បន្នជនសង្ស័យនិងវត្ថុតាង ឃាត់ខ្លួននិង រក្សាទុកនៅ(ន៧) ដើម្បីសាកសួរ និងអនុវត្តនីតិវិធីបន្ត ដោយមានបិទស៊ីល ចុះហត្ថលេខា ពីសមាសភាពចម្រុះ និងដាក់កម្លាំងការពារ២៤លើ២៤ម៉ោង ។
