រាជធានីភ្នំពេញ ៖ បុរសម្នាក់ បេីករថយន្ត Starex ១គ្រឿង ក្នុងល្បឿនលឿន ជ្រុលទៅបុកម៉ូតូកងបី ពីក្រោយ ពេញទំហឹង បណ្តាលអោយបុរសម្ចាស់កង់បី រងរបួស នឹងបង្កអោយរងការខូចខាតយ៉ាងដំណំទាំងសងខាង ដែលស្ថិតនៅតាមបណ្តោយផ្លូវលេខ២៧១ នៅក្នុងសង្កាត់ផ្សារដេីមថ្កូវ ខណ្ឌចំការមន រាជធានីភ្នំពេញ នាវេលាម៉ោង២៣នឹង៣០នាទីយប់ ថ្ងៃទី២៩ ខែឧសភា ឆ្នាំ២០១៩ នេះ ។
យោងតាមប្រភពព័ត៌មានពីកន្លែងកើតហេតុបានឲ្យដឹងថា ៖ មុនពេលកើតហេតុ គេបានឃេីញ បុរសម្នា ក់បេីកម៉ូតូកង់បី ១គ្រឿង ធ្វេីដំណេីរតាមបណ្តោយផ្លូវលេខ២៧១ ក្នុងទិសដៅពីត្បូងទៅជើង ខណ:មកដល់ចំណុចកេីតហេតុ ក៏ត្រូវរថយន្តម៉ាក Starex ១គ្រឿង ពណ៍ទឹកប្រាក់ ពាក់ស្លាកលេខភ្នំពេញ2BA-3239 បេីកបរដោយបុរសម្នាក់ ក្នុងល្បឿនយ៉ាងលឿន បេីកទៅបុកម៉ូតូកងបី ខាងលេី ពីក្រោយ ពេញទំហឹង បណ្តាលអោយបុរសម្ចាស់កង់បី រងរបួស នឹងបង្កអោយរងការខូចខាតយ៉ាងដំណំទាំងសងខាង បង្កការភ្ញាក់ផ្អេីលយ៉ាងខ្លាំងតែម្តង ។
ក្រោយពេលកើតហេតុ សមត្ថកិច្ចបានចុះមកដល់កន្លែងកើតហេតុ ធ្វេីការវាស់វែងយករថយន្តនឹងម៉ូតូទៅរក្សាទុកជាបណ្តោះអាសន្ន ដេីម្បីរង់ចាំការដោះស្រាយគ្នាទៅតាមផ្លូវច្បាប់ ៕
