ព្រះសីហនុ៖ រថយន្តធុនធំ២គ្រឿងពន្លះគ្នាលាន់ដូចរន្ទះ បណ្តាលឲ្យបុរសម្នាក់ស្លាប់យ៉ាងអាណោចអាធ័ម ហេតុការណ៍គ្រឿងថ្នាំចរាចរណ៍នេះដែលបានកើតឡើងកាលពីវេលាម៉ោងជិត៩យប់ថ្ងៃទី ២៨ ខែឧសភា ឆ្នាំ២០១៩ លើដងផ្លូវជាតិលេខ៤ចន្លោះគីឡូម៉ែត្រ១៦០.១៦១ ភូមិតានៃ ឃុំតានៃ ស្រុកព្រៃនប់ ខេត្តព្រះសីហនុ ។
សមត្ថកិច្ចបញ្ជាក់ថា គ្រោះថ្នាក់នេះកើតឡើងរវាងរថយន្តផ្ទុកកុងតឺន័រ ម៉ាកFUSO ក្បាលពណ៍សរពាក់ផ្លាកលេខ ភ្នំពេញ 3E 71.86 ក្នុងទិសដៅពីខេត្តព្រះសីហនុទៅភ្នំពេញ បើកបរដោយឈ្មោះជួង ហន ភេទប្រុស (រត់បាត់) បុកប៉ះជាមួយរថយន្តកូរ៉េ មួយតោនកន្លះ ពណ៌សរ ពាក់ផ្លាកលេខ ភ្នំពេញ2U.04 34 ក្នុងទិសបញ្ច្រាសគ្នា បើកបរដោយឈ្មោះសេង វណ្តា ភេទ ប្រុស អាយុ ៣៧ឆ្នាំ មុខបរបរធ្វើចំការ មានទីលំនៅភូមិស្វាយ ឃុំតានៃ ស្រុកព្រៃនប់ ខេត្តព្រះសីហនុ និងអ្នករួមដំណើរម្នាក់ទៀតឈ្មោះសែម ចំរើន ភេទប្រុស អាយុ ៣៨ឆ្នាំ មុខរបរ ធ្វើចំការ មានទីលំនៅ ភូមិស្វាយ ឃុំតានៃ ស្រុកព្រៃនប់ ខេត្តព្រះសីហនុ បណ្តាលអោយអ្នកបើកបររថយន្តកូរ៉េនិងអ្នករួមដំណើររងរបួសធ្ងន់។
ក្រោយកើតហេតុ ជនរងគ្រោះត្រូវបានសមត្ថកិច្ច អាវុធហត្ថ៤០១និងនគរបាលមូលដ្ឋាននិងសាច់ញាតិជួយគាស់ចេញពីរថយន្តដាក់តាមរថយន្តសង្គ្រោះឯកជន យកទៅសង្គ្រោះនៅមន្ទីរពេទ្យភ្នំពេញ និងតាមប្រភពពីសាច់ញាតិអោយដឹងក្រោយមកថា ជនរងគ្រោះឈ្មោះសែម ចំរើនបានទទួលមរណភាពហើយពេលបញ្ជូនទៅមន្ទីរពេទ្យ ៕
