រាជធានីភ្នំពេញ ៖ រន្ធត់ទាំងព្រឹក រថយន្ត ២គ្រឿង បុកគ្នា ពេញទំហឹង ត្រង់ចំណុចស្កុបបែកជាបួន បណ្តាលអោយរថយន្ត ឡិចសុីស បុកអូសរថយន្តកូរ៉េដឹកទំនិញ ១គ្រឿង ក្រឡាប់ផ្ញារជេីងនៅនឹងកន្លែង បង្កការភ្ញាក់ផ្អេីលយ៉ាងខ្លាំង នាវេលាម៉ោង៥នឹង៤០នាទីព្រលឹម ឈានចូលថ្ងៃទី២៩ ខែឧសភា ឆ្នាំ២០១៩ ស្ថិតនៅតាមបណ្តោយផ្លូវលេខ៣១៥ កែងនឹងផ្លូវលេខ៥៩២ សង្កាត់បឹងកក់២ ខណ្ឌទួលគោក ។
យោងតាមប្រភពព័ត៌មានពីកន្លែងកើតហេតុបានឲ្យដឹងថា ៖ មុនពេលកេីតហេតុ គេបានឃេីញ បុរសម្នាក់ បេីករថយន្តម៉ាក LEXUS RX 300 ១គ្រឿង ពណ៍ស ពាក់ស្លាកលេខភ្នំពេញ2O-6866 ធ្វេីដំណេីរតាមបណ្តោយផ្លូវលេខ៥៩២ ក្នុងទិសដៅពីជេីងទៅត្បូង ខណ:មកដល់កន្លែងកេីតហេតុ ចំណុចស្កុបផ្សារមាន់អាំង កែងនឹងផ្លូវលេខ៣១៥ ក៏ជ្រុលទៅបុកជាម៉ូតូរថយន្តកូរ៉េដឹកទំនិញ ១គ្រឿង ពាក់ស្លាកលេខភ្នំពេញ2J-8554 បេីកបរធ្វេីដំណេីរតាមបណ្តោយផ្លូវលេខ៣១៥ ក្នុងទិសដៅពីលិចទៅកេីត យ៉ាងពេញទំហឹង បណ្តាលអោយរថយន្តឡិចសុីស បុកអូសរថយន្តកូរ៉េដឹកទំនិញ ក្រឡាប់ផ្ញារជេីងនៅនឹងកន្លែងកេីតហេតុ បង្កអោយមានការភ្ញាក់ផ្អេីលយ៉ាងខ្លាំង ទាំងព្រឹកព្រលឹម តែមិនបណ្តោយអោយមានមនុស្សរងរបួសនោះឡេីយ ៕
