រាជធានីភ្នំពេញ ៖ បុរសម្នាក់បើករថយន្តម៉ាកតូយ៉ូតាតាកូម៉ា ១គ្រឿង រេចង្កូតទៅបុកក្បាលព្រួញពុះចែកទ្រូងផ្លូវ ពេញទំហឹង បណ្ដាលឲ្យរថយន្តក្រឡាប់ផ្ងារជើងនឹងនៅនឹងកន្លែងកើតហេតុ ដែលស្ថិតនៅតាមបណ្តោយផ្លូវជាតិលេខ២ នៅក្នុងសង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ នាវេលាម៉ោង១២រំលងអធ្រាត្រឈានចូលថ្ងៃទី ២៧ ខែឧសភាឆ្នាំ២០១៩។
យោងតាមប្រភពព័ត៌មានពីកន្លែងកើតហេតុបានអោយដឹងថា ៖ មុនពេលកើតហេតុ គេបានឃើញ បុរសម្នាក់ បើករថយន្តម៉ាក តូយ៉ូតា តាកូម៉ា ១គ្រឿង ពណ៌ខ្មៅ ពាក់ស្លាកលេខ ភ្នំពេញ 2R-6280 ធ្វើដំណើរតាមបណោ្តយ ផ្លូវជាតិលេខ២ ក្នុងទិសដៅពីត្បូងទៅជើង ក្នុងល្បឿនយ៉ាងលឿន ខណៈមកដល់ចំណុចកើតហេតុ មិនបន្ថយល្បឿន ក៏រេចង្កូតទៅបុកក្បាល ព្រួញពុះចែកទ្រូងផ្លូវ ពេញទំហឹង បណ្តាលឲ្យរថយន្តក្រឡាប់ផ្ងារជើងរងការខូចខាតយ៉ាងដំណំ បង្កអោយអ្នកបើកបររងរបួសស្រាលផងដែរ ។
ក្រោយពេលកើតហេតុ សមត្ថកិច្ចជំនាញបានចុះមកវាស់វែងយករថយន្តទៅរក្សាទុកនៅការិយាល័យចរាចរណ៍ជើងគោកនៃស្នងការដ្ឋាននគរបាលរាជធានីភ្នំពេញ ដើម្បីរង់ចាំការដោះស្រាយនៅពេលក្រោយតាមច្បាប់បន្តទៀត ៕
.jpeg?1558924167)
.jpeg?1558924166)
